كلـفـتي نـفســك حيــــل يـوم أتصلــتـي

كلفتي نفسك حيـل يـوم اتصلتـي
ماكان له داعـي حقيقـه اتصالك..

سنتيـن خنتينـي وعقب(ن)سئلـتـي
وش فايده عقب الخيانـه سؤالـك ..



على العمـوم بخيـر مهمـا فعلتـي
مرتاح في شمسي ولابي ظلالـك..



بس الغريبـه كيـف انتـي وصلتـي
للحال هذا وصار هالحـال حالـك ..



وشلون مـن عالـي مقامـك نزلتـي
في عين من طحتي من اول وشالك ..



لاتسكتـي وشفيـك يعنـي انخذلتـي
عادي انا يامـا خذلنـي وصالـك..



وكانك زعلتي وش يصير ان زعلتـي
مشكلتك انتي هي مالـي ومالـك ..



الظاهـر انـك ناسيـه ويـش قلتـي
ليه يوم اني كنـت كلـي حلالـك..


اجمل ليالـي العمـر بيـدك قتلتـي
طعنتي قلب اللي عنالـك وجالـك ..



ياليت يـوم انـك حكمتـي عدلتـي
ماكان قلبي شـاف حب(ن)بدالـك ..



هـذي عمايـل يـدك اللـي عملتـي
جزاك من فعل(ن)عملتيـه نالـك..



والحيـن فـي يـدك ولاشـي نلتـي
غير التعب والهم ماشـي طالـك..



بقـول لـك حاجـه مـدام اتصلتـي
لاعاد عقب اليوم اشوف اتصالـك..