كل ماتصلت وغايتـي بـس احاكيـك
ياحسرتـي القـى معـك خـط ثانـي
ادق رقمـك بآخـر الليـل ناصـيـك
والقى " انتظار .. " وليتها بالثوانـي
يوم انت تغليني وأنا حيـل مغليـك
مايشتكـي الـجـوال إلا عشـانـي
لعبت بأعصابي وأنا واثـق ٍ فيـك
قلي إن كأنك جبـت واحـدة مكانـي
أما معـي تبقـى أو إني بجافيـك
يعنـي كـذا وإلا كــذا يالانـانـي
عليت روحي معـك ياهيـك أو هيـك
واليا قطعت الوصـل تبغـى حنانـي
ابيـك لكنـك علـى كثـر مابـيـك
فكرك معي المقفيـن شيّـب زمانـي
قلي من تحاكي ؟!! وانا أوعدك أراعيك
بـس أنت قلـي لاتحطـم كيـانـي
وان كنت ناوي الصد ربـي يجازيـك
وكانك تعاني حتى انـا منـك اعانـي
ماكنت تسمـع غيـر ابشـر ولبيـك
حتـى معـاي أنهيت كـل الأماني
اصدق معـي بالقـول ربـي يخليـك
قلي من اللـي صـار فجأة مكانـي
واوعـدك مايلفـظ لسانـي بطاريـك
والـى ذكرتـك يـوم اقطـع لسانـي
السبت نوفمبر 01, 2008 6:44 am